Муҳаммад Қудус АПЛ клубига ўтаётганига ишора қилди

Конференциялар лигаси плей-оффидан ўрин олган "Лудогорец" - "Аякс" баҳси бўлиб ўтди. Унда амстердамликлар йирик 4:1 ҳисобида зафар қучди. 

Нидерландия клуби сафида Муҳаммад Қудус хет-трик қилган бўлса, Брайан Бробби ҳам ўз номини таблога ёздириб қўйди. 

Қайд этиш лозим, беллашувдан сўнг ганалик футболчи шундай деди: Ҳа, бу менинг "Аякс"даги сўнгги ўйиним эди". 

Маълумот учун, унга "Вест Хэм" қизиқиш билдираётганди. "Болғачилар" уни 45 миллион евро эвазига сотиб олиш бўйича "Аякс" билан келишувга эришгани ҳақида хабарлар чиқаётганди.