Муҳаммад Салоҳ бу жамоага ўтиш учун маоши пасайишига рози

“Ливерпуль” Европа Чемпионлар лигасидан кутилганидан анча эрта чиқиб кетди. Арне Слот шогирдлари Париждан ғалаба билан қайтанига қарамай, “Энфилд”даги пенальтилар сериясидан кейин ПСЖни кейинги босқичга ўтказиб юборишга мажбур бўлди.

Ливерпулликлар етакчиси Муҳаммад Салоҳ бу мағлубиятни кўзида ёш билан қабул қилди. Снгги маълумотларга қараганда, энди мисрлик футболчи муҳитни ўзгартирмоқчи.

Салоҳнинг агентлари ҳали ҳамон “Ливерпуль” билан янги ҳамкорлик бўйича алоқани ушлаб турибди, бироқ клубни хурсанд қиладиган ҳеч қандай янгилик йўқ.

Маълумотларга қараганда, ёзда эркин агентга айланадиган Муҳаммад Салоҳнинг хизматларини “Барселона”га таклиф қилишди. Каталонияликлар жаҳон футболининг энг зўр тўпурарларидан бирини бепул трансфер қилишга тайёр.

Муҳаммад Салоҳнинг ўзи ҳам Каталония клубига ўтиш учун маошининг пасайтирилишига рози экани айтилмоқда.

Бу томондан Саудия Арабистони клублари Салоҳнинг келишини кутмоқда. Улар 32 ёшли футболчини лигада энг катта маош оладиган юлдузга айлантиришга ваъда берган.