Муҳаммад Салоҳнинг агенти мижозининг келажаги ҳақида гапирди

“Ливерпуль”нинг энг зўр тўпурари Муҳаммад Салоҳ жорий мавсум якунлангач клубни тарк этишини эълон қилганидан сўнг, унинг манфаатларини ҳимоя қилувчи агент Рами Аббас мижозининг келажаги ҳақидаги саволларга жавоб берди.

- Биз Муҳаммад кейинги мавсумда қаерда ўйнашини билмаймиз. Бу шуни англатадики, буни бошқа ҳеч ким ҳам билмайди, - деди Рами Аббос.

33 ёшли мисрлик футболчи 2017 йилдан бери “Ливерпуль”да ўйнаб келмоқда. Шу вақт давомида у барча мусобақаларда 435 та ўйинда иштирок этиб, 255 та гол ва 122 та голли узатмани амалга оширган.

Салоҳнинг клуб билан амалдаги шартномаси 2027 йилнинг ёзигача тузилган. Transfermarkt маълумотига кўра, футболчининг бозор қиймати 30 миллион еврони ташкил қилади.