Муҳим ўйинлар олдидан "Реал" Анчелоттини йўқотди

Европа Чемпионлар лигаси чорак финал босқичи доирасида "Реал" ва "Челси" жамоалари ўзаро баҳс олиб боради.

Мадридликларда мазкур баҳс олдидан жиддий йўқотиш юзага келди. Клуб матбуот хизмати тарқатган хабарга кўра, бош мураббий Карло Анчелотти коронавирус инфекциясини юқтириб олган.

"El Chiringuito TV" италиялик мутахассиснинг лондонликларга қарши баҳсни ўтказиб юборишини тахмин қилмоқда. Шунингдек, Карло 2 апрель куни бўлиб ўтадиган Ла Лига доирасидаги "Сельта" билан ўйинда ҳам жамоа билан бўлмайди.

"Қироллик клуби" Анчелотти қўл остида жорий мавсум ички чемпионатда пешқадамлик қилмоқда. Шунингдек, Суперкубокда бош совринга эга чиқди.