Мундиалда Ўзбекистонга қарши тўп тепган машҳур юлдуз қуйи лигада ўйнайдиган бўляпти

Колумбиялик тажрибали ярим ҳимоячи Хамес Родригес фаолиятининг сўнгги босқичида Италияда ҳам ўйнаш имкониятига эга бўлиши мумкин. Бироқ у ерда уни кўпчилик кутганидек юқори дивизион эмас, балки иккинчи поғона — Серия Б кутиб турибди.

Испаниянинг Marca нашри маълумотларига кўра, машҳур италиялик журналист Маттео Моретто Хамес Родригес Италиянинг «Авеллино» клуби билан келишувга жуда яқин турганини хабар қилган. 

Футболчининг бу қарорини қабул қилишда асосий омил сифатида жамоа бош мураббийи, футбол афсонаси Алессандро Неста номини қайд этишмоқда.

Италия чемпионатида уч тур ўтказилганидан сўнг «Авеллино» Серия Б жадвалида бешинчи ўринни эгаллаб турибди. Хамес эса ўз карьераси давомида Испания, Германия, Англия, Қатар каби турли чемпионатларда тўп сурган, аммо ҳалигача Италия майдонларида ўйнаб кўрмаган эди.

Эслатиб ўтамиз, 2026 йилги жаҳон чемпионатида Хамес Родригес Ўзбекистонга қарши учрашувда майдонда 72 дақиқа ҳаракат қилди.