Мундиалда синган умуртқа билан ўйнаган Салиба операциядан бош тортди

Франция миллий терма жамоаси ва Лондоннинг «Арсенал» клуби ҳимоячиси Вильям Салиба умуртқа жароҳатига қарамай, жарроҳлик амалиётидан воз кечди. 

Бу ҳақда L'Équipe нашри хабар берди.

Манбага кўра, футболчи операция ўрнига узоқ муддатли тикланиш дастурини танлаган. Шу сабабли у бир неча ой майдонга туша олмайди.

Аввалроқ оммавий ахборот воситаларида Салиба 2026 йилги жаҳон чемпионати бошланишидан икки ой олдин оғир умуртқа жароҳати олгани ҳақида маълумотлар пайдо бўлган эди. 

Шунга қарамай, тажрибали ҳимоячи мундиалда иштирок этган, оғриқ қолдирувчи дори воситаларини қабул қилган ва ҳар куни махсус тиббий ёрдам олган.

Ҳимоячи жаҳон чемпионат доирасида олти ўйин ўтказди. Испанияга қарши баҳсда (0:2) у 30-дақиқада навбатдаги жароҳатни олди ва майдонни тарк этишга мажбур бўлди.