Мундиалда терма жамоанинг саккиз футболчисидан допинг чиқди

Нуфузли манба – Daily Mail нашри маълумотига кўра, Тунис терма жамоасининг 8 нафар футболчиси жаҳон чемпионати вақтида топширган допинг тестларида кленбутерол моддаси излари аниқланган.

Бироқ кейинги текширувлар шуни кўрсатдики, футболчилар тақиқланган моддани қасддан қабул қилмаган ва бу модда Мексикадаги йиғин вақтида ифлосланган мол гўштини истеъмол қилишдан организмга тушган бўлиши мумкин.

Клублар бу ҳақда хабардор қилинган. Ҳозирча футболчиларга нисбатан ҳеч қандай жазо қўлланилиши кутилмаяпти.

Кленбутерол Бутунжаҳон антидопинг агентлиги (WADA) тақиқланган моддалар рўйхатига киради.

Айрим давлатларда, жумладан Мексикада, бу модда чорвачиликда молларнинг ўсишини тезлаштириш учун қўлланилади. Шу сабабли аввал ҳам спортчилар организмига овқат орқали тушган ҳолатлар кузатилган.

Тунис жаҳон чемпионатида қуйидаги натижаларни қайд этди:

• Швецияга — 1:5;
• Японияга — 0:4;
• Нидерландияга — 1:3

Мундиалнинг биринчи туридан кейин бош мураббий Сабри Лямуши истеъфога чиқарилган ва Тунис жаҳон чемпионатлари тарихида илк учрашувдан кейиноқ бош мураббийини алмаштирган илк терма жамоага айланган.