Мураббий тасдиқлади! Ислом Исмоилов "Турон"ни расман тарк этди!

Хабарингиз бор, Суперлига 8-туридан ўрин олган баҳсда "Турон" "Қизилқум"дан мағлуб бўлди.

Яйпанликлар мураббийи Ислом Исмоиловнинг SPORTS.uz журналисти Жалолиддин Қобилжоновга маълум қилишича, у клубни тарк этган. Маълумот учун, Исмоилов ўйиндан кейин ташкил этилган матбуот анжуманида иштирок этмаганди.

Жорий мавсум "Турон" 8-турдан кейин 3 очко жамғарган ҳолда, сўнгги ўринда бормоқда.