Мурод Раҳматов: "Менимча, ҳозир жамоада ҳеч ким легионер бўлиш ҳақида ўйлаётгани йўқ"

Sports.uz да интервьюлар давом этади. Бу галги меҳмонимиз "Насаф"нинг ёш ҳам ҳимоячиси, ҳам ярим ҳимоячиси сифатида ҳаракат қилаётган Муродбек Раҳматов.

Хабарингиз бор, Мурод Раҳматов жорий мавсум "Насаф"нинг асосий футболчиларидан бирига айланганди. 22 ёшли футболчи ҳақида Олимпиадага бормагани, режалари ва Суперлига ҳақида фикрлари билан ўртоқлашди.

Сиз доим U23 терма жамоасига номзод футболчилар қаторида бўлгансиз. Бу лойиҳа яратилаётганда, бу жамоа тузилаётганда ва Олимпиада йўлланмаси қўлга киритилгандан кейин ҳам негадир кўп йиғинларга чақирилмагансиз. Ва ҳатто чақирилган йиғинларда ҳам сизга кўп имкон берилмаган. Олимпидага ҳам бормадингиз, Осиё кубогида ҳам қатнмашмадингиз. Бироқ шу пайтларда ҳам клубингизда стабил ўйин кўрсатаётган эдингиз. Нима деб ўйлайсиз, нима сабаб Тимур Кападзе сизни кўп чақирмади?

Аввалам бор ассалому алайкум. U23 терма жамосига келадиган булсак, ха айтканингиздек куп йигинларга чақирилмаганман. Осиё кубогидан олдин терма жамоа билан бирга эдим ва охирида якуний таркибга киритилмадим. Кимни олиб бориш, кимни олиб кетмаслик мураббийни қарори ва буни ҳурмат қиламан. 

Сиз ўзи таянч ярим ҳимоячисиз лекин бу мавсум кўп ўйинларда ўнг қанот ҳимоясида ҳам кўряпмиз. Икки позицияга мослашяпсизми, ёки бу мажбуран бўляптими?

Ўнг қанот ҳимояда уйнашим йилни бошидаги йиғинлардан бошланди. Чунки ўнг қанот ҳимоячиларимиз жароҳат олган эди. Рузиқул Бердиев ушбу позицияда уйнатиб курдилар. Ҳимояда ҳам узимни қулай ҳис қиламан. Муҳими жамоага ёрдам бериш.

Мана "Насаф" чемпионлик йўлида дадил одимламоқда ва Суперлигани ютиш учун асосий даъвогар бўлиб турибди. Ва ниҳоят мавсум якунида жамоангизни чемпионлик шоҳсупасида кўряпсизми?

Ҳа, ҳозир бошқалардан кўра, бизда чемпионлик имкониятларимиз яхши.  Лекин олдиндан нимадир дейиш хато. Худо хохласа, бу имкониятни қўлдан чиқармаймиз деган умиддаман. Ҳали 5 та ўйинимиз бор, бу ўйинларда ҳам ғалаба қозониб, мухлисларимизни хурсанд қилишга ҳаракат қиламиз.

Аксар "Насаф" футболчилари билан суҳбатлашганимизда легионерга айланмаётганининг асосий сабаби сифатида Насаф билан Суперлигани ютишни айтарди. "Аждарлар" бу мавсум чемпионликка ҳар қачонгидан ҳам яқин. "Насаф"ни чемпион бўлди деб ҳисобласак, сиз жамоада қоласизми ёки бошқа жамоада  кўрамизми? Таклифлар бўлаётган бўлса қайси жамоалардан?

Суперлигани ютиш ҳаммамизнинг олий мақсадимиз. Менимча, ҳозир жамоада ҳеч ким легионер бўлиш ҳақида ўйлаётгани йўқ. Бор эътиборни олдимизда турган муҳум уйинларга қаратганмиз.

Рўзиқул Бердиев билан бир неча мавсумдан буён ишлаб келяпсиз. Ушбу мураббийнинг сизнинг фаолиятингизда тутган ўрни қандай?

Рузиқул Бердиевнинг фаолиятимда тутган ўрни жуда катта. Катта футболга кириб келишимда ҳам шу инсон сабабчи булган. Ҳар доим тўғри йўл кўрсатадилар.

"Насаф" устози Рўзиқул Бердиевни аксар футболсеварлар клуб миқёсидаги мураббий деб ҳисоблайди. Сиз бу фикрга қанчалик қўшиласиз. Бердиевга Ўзбекистон терма жамоасини ишониб топширилса, уни нимадир қила олишига ишонасизми?

Йўқ, мен бу фикирга умуман қушилмайман. Агар терма жамоада имконият берилса, албатта натижа қилишларига ишонаман. Бердиев қанчада қанча терма жамоа даражасидаги футболчиларни кашф қилган, улар билан бирга ишлаган. Терма жамоада вақт берилса, натижа қилишига шубҳам йўқ.

"Насаф" билан ОЧЛ 2ни ютиш ёки Суперлигада чемпион бўлиш. Қайси бирини танлайсиз?

Албатта Ўзбекистон чемпиони бўлишни танлайман. Менимча буни кўпчилик танласа керак. Суперлига олтин медалларини барча қашқадарёлик мухлислар орзиқиб кутмоқда.

Ҳозирда Суперлигадаги энг кучли таянч ярим ҳимоячи ким - Акмал Мозговой ёки Одил Ҳамробеков?

- Акмал Мозговой.

Ойбек Бозоров ёки Жамшид Искандеров?

- Ойбек Бозоров.

Ўзингиз билан бирга ўйнаган футболчилардан иборат рамзий жамоа тузиб беринг!

                                                                                                                                                                               Ойбек Юлдошев суҳбатлашди.

Умарбек Эшмуродов Қатарга қарши ўйин, "Селангор"да фаолияти ва "Насаф" ҳақида гапирди