Муроджон Йўлдошев Жаҳон чемпионатидаги юришини бошламоқда

Бугун Озарбайжон пойтахти Боку шаҳри мезбонлик қилаётган катталар ўртасидаги Жаҳон чемпионатининг тўртинчи куни.

Кун давомида эркаклар ўртасида -81 кг, аёлларда эса -63 кг вазн тоифасида беллашувлар ташкил этилади. Бугунги дастурда терма жамоамизнинг тажрибали дзюдочиси Муроджон Йўлдошевга мухлислик қиламиз. 

Қуръа натижасига кўра, ҳамюртимиз ўз иштирокини тўғридан тўғри иккинчи босқичдан бошлайди. Йўлдошевнинг рақиби гонконглик Квок Винг Ли ҳамда кореялик Жае Юн Сим ўртасидаги беллашувда аниқланади. Бу ҳақда Ўзбекистон дзюдо федерацияси хабар бермоқда.