МЮ 33 ёшли футболчи билан шартномани узайтирмоқчи

"Манчестер Юнайтед" бош мураббийи Уле-Гуннар Сульшер ҳужумчи Эдинсон Каванининг ўйинидан қониқиш ҳосил қилмоқда.

Кавани октябрь ойида "қизил иблислар" билан мавсум сўнггигача шартнома имзолаган эди, бироқ мураббийнинг тавсиясига кўра клуб томони келишувни яна бир йилга узайтирмоқчи.

"Эдинсоннинг олдида яна бир неча мавсум бор, у яхши натижалар қайд этмоқда, мен унга ишонаман", - дейди Сульшер.

2020/21 мавсумда уругвайлик футболчи МЮ таркибида барча турнирларда 13 та ўйинда 4 та голни ўз ҳисобига ёзиб қўйди.

Матнда хатолик топсангиз, ўша хатони белгилаб, бизга жўнатинг (Ctrl + Enter)