МЮ "Арсенал" қизиққан ҳужумчини илиб кетмоқчи

"Ювентус" ҳужумчиси Душан Влаҳович Англия Премьер-лигасининг топ жамоалари орасида катта талабга эга.

Caught Offside журналистларининг маълумотига кўра, сербиялик ҳужумчини қўлга киритиш учун "Манчестер Юнайтед" ҳам курашга қўшилган. "Қизил иблислар" футболчини Лондоннинг "Арсенал" клубидан илиб кетмоқчи. Ўз навбатида, "Ювентус" Влаҳович билан хайрлашишга тайёр, агар унинг трансфери учун тахминан 60 миллион евро таклиф қилинса.

Жорий мавсумда Душан Влаҳович "Ювентус" сафида 32 та ўйинда майдонга тушиб, 14 та гол ва 2 та голли узатма қайд этди. Унинг клуб билан амалдаги шартномаси 2026-йилнинг ўрталаригача давом этади.