МЮ Бундеслига юлдузларини оляпти

Германия Бундеслигасининг икки ёш юлдузи – Жейдон Санчо ва Кай Хаверц кўрсатаётган ўйин гранд клубларни уларга янада кучлироқ боғламоқда.

“Манчестер Юнайтед”ёзги трансферлар вақтида Кай Хаверцни олишни асосий мақсад қилиб белгилади. МЮ футболчи учун 50 миллион евро таклиф қилмоқчи. Манчестерликлар Хаверц атрофида янги жамоа шакллантирмоқчи.

Шунингдек, Сульшер Жейдон Санчодан ҳам воз кечгани йўқ. Томонлар шахсий шартнома шартларини келишиб бўлгани айтилмоқда. Агар режалар амалга ошса, “Манчестер Юнайтед” келаси мавсумда Санчо - Хаверц жуфтлигини майдонга туширади.

Бу икки футболчининг статистикаси ҳам ҳайратларнарли даражада. Хаерц жорий мавсумда “Байер” таркибида 38 та учрашувда 15 та гол урди ва 8 та голли пас узатди. Санчо эса 39 та ўйинда 20 та гол уриб, 19 та самарали узатмани амалга оширди.

"Олтин бутса". Роналду ва Месси тахтни топширмоқда

Фикрлар

Фикр қолдириш учун авторизациядан ўтинг!