МЮ ҳужумчиси майдонга тушишга тайёр!

"Манчестер Юнайтед" ҳужумчиси Эдинсон Кавани жароҳатидан тўлиқ тикланди.

Маълумотларга қараганда, уругвайлик футболчи жамоавий машғулотларга қўшилган. Бу ҳақда "қизил иблислар" бош мураббийи Оле-Гуннар Сульшер хабар бериб ўтди.

"Кубок доирасидаги "Вест Хэм"га қарши учрашувдан кейин Эдинсон умумий гуруҳ машғулотларида иштирок этмоқда. У майдонга қайтишга тайёр",-деди манкунияликлар мураббийи.

34 ёшли уругвайлик ҳужумчи жорий мавсум МЮ сафида фақатгина бир марта майдонга тушди. У сўнгги бор 29 август куни "Вулверхэмптон"га қарши ўйнаган.