MYu o‘z futbolchisiga narx belgiladi

"TalkSPORT" nashrining ma’lum qilishicha, "Manchester Yunayted" hujumchi Rasmus Xoylundni 40 million funtga sotmoqchi. Avvalroq klub uni 30 millionga qo‘yib yuborishga tayyor ekani xabar qilingan edi.

"RB Leyptsig" klubi Xoylund transferi borasida MYu bilan muzokara olib borgan — bu kelishuv Benyamin Sheshko bo‘yicha muzokaralar doirasida alohida bitim sifatida ko‘rilgan. Biroq, daniyalik futbolchi Germaniya klubiga o‘tishga qiziqish bildirmagan.

Xabarda aytilishicha, agar Xoylund MYuni tark etsa, u APLning boshqa jamoasiga o‘tishni yoki Italiya A Seriyasiga qaytishni afzal ko‘radi. U bilan "Milan", "Napoli" va Saudiya Arabistoni klublari qiziqqan.

Eslatib o‘tamiz, o‘tgan mavsum Rasmus APLda 32 o‘yinda 4 gol urgan.