МЮ Погбани сотмайди

“Манчестер Юнайтед” клуби ярим ҳимоячиси Поль Погба жорий ёзги трансферлар даврида жамоасини ўзгартирмайди.

The Telegraph нашри тарқатган хабарга кўра “қизил иблислар” жорий трансферлар ойнаси расман ёпилгунича бўлган даврда франциялик футболчи масаласида бўладиган ҳар қандай таклифни кўриб чиқишмайди.

Манкуанликлар устози Оле-Гуннар Сульшер янги мавсумда 26 ёшли Погбани МЮнинг асосий футболчиси сифатида қарамоқда.

Эслатиб ўтамиз, “Манчестер Юнайтед” дастлаб Погбани 160 млн евро эвазига қўйиб юборишга тайёр эди. Аммо, ҳеч бир клуб унинг учун бунча маблағ тўлашни хоҳламади.