МЮ Португалия терма жамоаси ҳужумчисини ўз сафида кўрмоқчи

"Манчестер Юнайтед" раҳбарияти "Айнтрахт" ҳужумчиси Андре Силванинг хизматларига жиддий қизиқиш билдира бошлади. Бу ҳақда Sky Germany нашри хабар тарқатмоқда.

Юқоридаги манбага кўра, “қизил иблислар” 25 ёшли португалиялик футболчини ёзги трансферлар даврида сотиб олмоқчи. Бу борада уларга "Милан" рақобат кўрсатиши мумкин. Боиси, “россонерилар” ҳам ўзининг собиқ футболчисини ортга қайтаришни режалаштирмоқда.

Силва жорий мавсум "Айнтрахт" сафида 22 та ўйинда майдонга тушди ва ўз ҳисобига 19 та гол ҳамда 5 та голли узатма ёздириб қўйишга эришди. Унинг клуб билан амалдаги шартномаси 2023 йилга қадар имзоланган. Андре Португалия терма жамоаси сафида  37 та ўйинда 16 та гол уришга муваффақ бўлган.