МЮ премьер-лига рекордини такрорлади, "Саутгемптон" эса антирекорд ўрнатди

"Манчестер Юнайтед" АПЛнинг 22-турида "Саутгемптон"га ҳеч қандай имкон қолдирмади. Сульшер шогирдлари рақиб дарвозасига жавобсиз 9 та гол уриб, премьер-лига рекордини такрорлади.

Эътиборлиси, бу борадаги аввалги рекорд ҳам "Юнайтед"нинг ўзига тегишли эди. Манкунианлар 1995 йилда "Ипсвич" клубини худди шундай ҳисобда мағлубиятга учратган.

2019 йилнинг октябрида "Саутгемптон" ўз майдонида "Лестер"дан 9 та гол ўтказиб юборган эди. Шу тариқа, Ральфа Хазенхюттль жамоаси АПЛда ўз майдонида ҳам, сафарда ҳам бир ўйинда 9 та гол ўтказиб юборган илк жамоага айланди.