МЮ: Санчо барибир шу ерга келади!

“Манчестер Юнайтед” раҳбарияти анчадан бери трансфери пишмаётган Жейдон Санчо 2021 йилнинг ёзида клубга келишига ишонч  билдирмоқда.

Ўтган ёзда манчестерликлар англиялик футболчи учун талаб қилинган  120 миллион фунтни қиммат ҳисоблаб, трансферни якунламаган эди. Улар бу нарх пасайишини кутмоқда.

Санчонинг ўзи ҳам жорий мавсумда аввалгичалик зўр ўйнай олмаяпти. У Бундеслигада 11 та ўйинда майдонга тушиб, ҳали гол ура олгани йўқ. Фақатгина уч марта голли пас оширди холос. Санчога даъвогар бўлганларнинг аксарияти эътиборини бошқа футболчиларга қаратди.

“Манчестер Юнайтед” ҳам агар “Боруссия” ёзда нархни пасайтирмайдиган бўлса, Санчонинг ўрнига “Астон Вилла” етакчиси Жек Грилишни харид қилишини билдирди. Қизиғи шундаки, Санчо ҳам, Грилиш ҳам фаолиятини Сульшер жамоасида давом эттиришни истамоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)