МЮ "Сити"нинг собиқ ҳимоячисини АПЛга қайтармоқчи

"Манчестер Сити"нинг собиқ ҳимоячиси, ҳозирда Саудия Арабистони чемпионатининг "Ал-Ҳилол" сафида тўп тепаётган Жоау Канселу Англия премьер-лигасига қайтиши мумкин. Бу ҳақда "Todofichajes" нашри хабар бермоқда

Манба маълумотларига кўра, 30 ёшли қанот ҳимоячисининг хизматларига "Манчестер Юнайтед" қизиқиш билдирмоқда. "Шаҳарликлар" ўтган йили ижара муддати тугаб, "Барселона"дан қайтган футболчини Саудия клуби 25 миллион евро эвазига ўз сафига қўшиб олганди.

Маълумот учун, Трансфермаркт Канселунинг 18 миллион еврога баҳоламоқда. Футболчининг "Ал-ҳилол" билан шартномаси 2027 йил июнь ойининг охиригача мўлжалланган.

Жорий мавсумда Жоау Саудия Арабистони чемпионатида 17 та ўйин ўтказди ва бешта голли узатмага муаллифлик қилди.