«MYU» Chuameniga qiziqmoqda, ammo uning narxi va maoshi transferni qiyinlashtirmoqda

«Manchester Yunayted» anchadan beri madridlik «Real» yarim himoyachisi Orelien Chuameni oʻyinini katta qiziqish bilan kuzatib kelmoqda. The National nashrining yozishicha, fransiyalik futbolchi «Manchester Siti»dan Rodrini sotib olish uchun mablagʻ yigʻish maqsadida sotilishi mumkin boʻlgan nomzodlar qatoriga kirgan.
 

Manbaga koʻra, Chuameni oʻzini «Real»da baxtli his qiladi, ammo agar klub uni transferga qoʻyishga qaror qilsa, «Manchester Yunayted» variantini ham koʻrib chiqishga tayyor. Shu bilan birga, futbolchining yuqori transfer narxi va maoshi bunday kelishuvni amalga oshirishda jiddiy toʻsiq boʻlishi taʼkidlanmoqda.
 

Oʻtgan mavsumda Tchuameni barcha musobaqalar doirasida 49 ta oʻyinda maydonga tushdi, ikki gol urdi va ikki golli uzatma amalga oshirdi. Uning klub bilan amaldagi shartnomasi 2028 yil yozigacha moʻljallangan. Transfermarkt portali maʼlumotlariga koʻra, yarim himoyachining bozor qiymati 70 million yevro atrofida baholanmoqda.
 

Nima uchun «Real» Madrid XX asrning eng yaxshi klubi sifatida eʼtirof etilgani bejiz emas.