МЮ ва "Интер" Европа чемпиони учун рақобатлашади

"Манчестер Юнайтед" ва "Интер" клублари "Наполи" ярим ҳимоячиси Лоренцо Инсинье учун кураш бошлади. Бу ҳақда Football Italia нашри хабар тарқатмоқда.

Манбага кўра, Англия ва Италия грандлари 30 ёшли италиялик футболчини келаси ёзда, яъни унинг неаполликлар билан шартномаси якунлангач эркин агент сифатида ўз сафига қўшиб олмоқчи. Шу тариқа, Инсинье янги жамоасига текинга кўчиб ўтиши мумкин.

Жорий мавсум 30 ёшли Инсинье "Наполи" сафида 9 та ўйинда майдонга тушди ва ўз ҳисобига 2 та гол ҳамда 3 та голли узатма ёздириб қўйди.