МЮ Валенсиянинг ўрнига ПСЖ футболчисини сотиб олмоқчи

ПСЖ клуби ҳимоячиси Тома Менье "Манчестер Юнайтед"нинг қизиқишлар доирасига кириб қолди.

Independent нашри тарқатган хабарга кўра манкуанликлар уни ёзда жамоани тарк этадиган  Антонио Валенсиянинг ўрнига муносиб номзод сифатида қарашмоқда.

Бундан ташқари МЮ ушбу ўринга Аарон Уан-Биссака ва Киран Триппьер каби футболчиларнинг номзодини ҳам кўриб чиқмоқда. Бироқ, Меньенинг парижликлар билан амалдаги шартномаси тугашига яна бир йил қолганини инобатга олса, унинг трансфери АПЛ грандига нисбатан арзонроққа тушиши мумкин. Қолаверса, Меньенинг ўзи ҳам "Олд Траффорд"га кўчиб ўтишга қизиқиш билдирмоқда. Чунки, у жорий мавсум ПСЖда етарли ўйин амалиётига эга бўла олмаяпти.