МЮда қолишни хоҳлаётган Эррера ПСЖ билан келишувга эришди
“Манчестер Юнайтед” клуби ярим ҳимоячиси Андер Эррера ёзда аниқ жамоани тарк этади.
The Times нашри тарқатган хабарга кўра 29 ёшли испаниялик футболчи ПСЖ клуби билан 3 йиллик шартнома имзолайди. Унинг Париждаги ҳафталик маоши эса 200 минг фунтни ташкил этади. Таққослаш учун, Эррера ҳозир МЮда ҳафтасига 80 минг фунт маош олади.
Эслатиб ўтамиз, бундан аввалроқ Эррера “Манчестер Юнайтед”да қолишни хоҳлаётгани, аммо “қизил иблислар” таклиф қилаётган шартнома унга маъқул келмаётгани ҳақида хабарлар тарқалган эди.
Маълумот учун, Эррера жорий мавсум МЮ сафида жами 27та ўйинда майдонга тушди ва 3 та гол уришга эришди. Унинг манкуанликлар билан амалдаги шартномаси жорий мавсум якунида ўз ниҳоясига етади.
Фикрлар