Myuller PSJga qarshi o‘yin va raqibning hujum triosi haqida gapirdi

"Bavariya" hujumchisi Tomas Myuller EChL 1/8 finalida PSJ bilan o‘yindan oldingi fikrlari bilan o‘rtoqlashdi.

“Albatta, biz PSJning so‘nggi yillarda qanday o‘yin ko‘rsatayotganini yaxshi bilamiz. Ularga qarshi ikki-uch marta o‘ynadik. Bizni nimalar kutayotganini bilamiz. Bu 1/8 final bosqichi uchun qulay raqib emas. Biz ularning Liga 1dagi o‘yinlarini kuzatdik. Tarkibda daxshatli hujum triosi bor. Futbol ishqibozlari uchun bu uchrashuv alohida ahamiyatga ega. Ikki jamoadan biri Chempionlar ligasidan uchib chiqib ketishi achinarli. PSJ ham, "Bavariya" ham ushbu turnirda g‘olib chiqishni maqsad qilgan. Muxlislar ikkita ajoyib o‘yinni kuzatishi mumkin. Ishonchim komilki, biz keyingi bosqichga chiqa olamiz”, - dedi Myuller klub matbuot xizmatiga bergan intervyusida.

Ma’lumot o‘rnida, birinchi o‘yin 2023 yilning 14 fevralida Frantsiyada, javob o‘yini 8 mart kuni Germaniyada bo‘lib o‘tadi.