МЮнинг июль ойидаги энг яхши футболчиси аниқланди

"Манчестер Юнайтед" расмий веб-саҳифасида июль ойининг энг яхши футболчисини аниқлаш учун ўтказилган сўровномада Мэйсон Гринвуд ғолиб бўлди.

18 ёшли футболчи сўровномада 46 фоиз овоз билан Антони Марсьяль ва Бруну Фернандешни ортда қолдирди ва фаолияти давомида биринчи маротаба ушбу унвонни қўлга киритди.

Июль ойида Гринвуд жами тўртта голга муаллифлик қилди. У "Борнмут", "Астон Вилла" ва "Вест Хэм" дарвозаларини ишғол қилди.

2019/20 мавсумда "Манчестер Юнайтед"да ой футболчиси унвонини қўлга киритган футболчилар рўйхати билан танишинг:

Август - Дениэл Жеймс; сентябрь - Скотт МакТоминей; октябрь - Скотт МакТоминей; ноябрь - Маркус Рэшфорд; декабрь - Маркус Рэшфорд; январь - Фред; февраль - Бруну Фернандеш; март - Бруну Фернандеш; июнь - Бруну Фернандеш; июль - Мэйсон Гринвуд.

Матнда хатолик топсангиз, ўша хатони белгилаб, бизга жўнатинг (Ctrl + Enter)