МЮнинг собиқ футболчиси "Манчестер Сити"ни чемпион қила оладиган уч кишини айтди

"Манчестер Юнайтед"нинг афсонавий ҳимоячиси, ҳозирда эса футбол эксперти бўлган Гари Невилл жорий мавсумда "Манчестер Сити"ни Англия Премьер-лигаси чемпионига айлантириши мумкин бўлган футболчилар номини очиқлади.

 "Шаҳарликлар" сафида Гвардиола, Холанд ва Доннарумма бор. Айнан шу учлик жамоани АПЛ чемпионлигига олиб келиши мумкин", — дея Невиллнинг сўзларини келтиради Sky Sports.

Ўтган ҳафта охирида  "Сити" сафарда амалдаги чемпион — "Ливерпуль"га қарши майдонга тушди. Хосеп Гвардиола шогирдлари иродавий ўйин намойиш этиб, 2:1 ҳисобида ғалаба қозонди.

Айни пайтда АПЛ турнир жадвалида "Манчестер Сити" иккинчи ўринни эгаллаб турибди. Жамоа пешқадам бўлиб турган Лондоннинг "Арсенал" жамоасидан 6 очко орқада қолмоқда.