Нагельсманн: "Ярим финалга ўтишни истаймиз"

Бугун "Евро-2024"нинг чорак финалидан ўрин олган Испания - Германия учрашуви бўлиб ўтади. Баҳси олдидан немислар бош мураббийи Юлиан Нагельсманн ўз фикрлари билан ўртоқлашди. 

"Бу финал эмас, чорак финал. Биз ярим финалдаги жамоалардан бири бўлишни хоҳлаймиз. Испания ҳам чемпион бўлишни хоҳлайди, шунинг учун ҳам қийин ўйин бўлади. Иккала жамоа ҳам тўпни назорат қилишни ёқтирадиган, яхши қарши прессинг қиладиган ва рақибларини босим остида қолдиришлари мумкин бўлган жамоалардир", - деди германиялик мутахассис. 

Эслатиб ўтамиз, ушбу баҳс Тошкент вақти билан соат 21:00да старт олади. Мазкур тўқнашув ғолиби Португалия ёки Францияга қарши майдонга тушади.