Наҳотки?! "Сўғдиёна" Бақоев қўл остида 40,18 фоиз ўйинида ғалаба қозонган (статистика)

Сал аввал, "Сўғдиёна" жамоаси бош мураббий Улуғбек Бақоевни истеъфога чиқаргани ҳақда хабар берган эдик. Биз сизга "бўрилар" ушбу мутахассис қўл остида қандай статистика қайд этгани борасида маълумот берамиз.

Унга кўра, жиззахликлар Бақоев бошқаруви остида 98 та ўйинда майдонга тушган. 41 та ўйинда ғалаба қўлга киритилган бўлса, 32 баҳс дуранг билан якун топган. Яна 25 беллашув Бақоев жамоасининг мағлубияти билан якун топган. 

Фоизда ҳисоблайдиган бўлсак, 40,18 фоиз учрашувларда Жиззах клуби ғалабани қўлга киритган. Аслида, бу қувонарли натижа эмас.

Бироқ барибир "Сўғдиёна" айнан шу мутахассис қўл остида лигада қолиш учун курашаётган бир клубдан чемпионлик учун рақобатлашадиган жамоага айлангани ҳам ҳақиқат.

Манба: "Сўғдиёна" ПФК матбуот хизмати.