Наманганда "Осиё Кубоги-2023" саралаш босқичи олдидан йиғилиш ўтказилди

Хабарингиз бор, 8-14 июнь кунлари Наманган шаҳрида 2023 йили бўлиб ўтадиган Осиё Кубогининг саралаш босқич беллашувлари ўтказилади. Қитъа биринчилигининг саралаш баҳсларини юқори савияда ўтказиш бўйича «Марказий» стадион мажлислар залида ташкилий қўмита йиғилиши ўтказилди.

Йиғилишда Наманган вилояти ҳокими, вилоят футбол ассоциацияси президенти Шавкатжон Абдуразақов, шунигдек, масъул ташкилот ва меҳмонхона раҳбарлари қатнашишди.

Йиғилишдаги асосий масала Осиё Кубоги саралаш баҳсларида иштирок этадиган жамоаларни юқори савияда кутиб олиш, меҳмонхоналарда қулай шароитларни яратиш, ўйинлар ўтказиладиган стадионга бориб-келиш йўлларида қулай шароитларни ташкил этиш масалалари ўртага ташланди. Бундан ташқари, машғулотларни ўтказиш майдонларининг шайлиги бўйича тегишли ташкилот масъулларига топшириқлар берилди.

ЎФА матбуот хизмати.