Наоя Иноуэ энг катта мақсадини очиқлади

Мутлақ жаҳон чемпиони Наоя Иноуэ олдига қўйган сўнгги катта мақсадини очиқлади.

"Аслида позициям ўзгаргани йўқ. Агар Жесси Родригес билан жанг уюштирилмаса, ярим енгил вазн тоифасига ўтиш ҳақида ўйлаб кўраман. Карьерамнинг қолган икки-уч йилини хавфсиз "ўйинлар"га сарф қилмоқчи эмасман. Мен оғирроқ вазн тоифасига кўтарилиб, ўзимга янги челленж ташкил қилмоқчиман", — дея японияликнинг сўзларини келтирди "The Ring" нашри.

Эслатиб ўтамиз, Наоя Иноуэ охирги марта Жунто Накатанига қарши рингга кўтарилиб, очколар бўйича ғалабага эришганди.