"Napoli" imkoni bo‘la turib, Xolandni sotib olmagan

"Napoli" jamoasi hozirda "Manchester Siti"da to‘p tepayotgan Erling Xolandni o‘z safiga qo‘shib olishi mumkin edi. Bu haqda klub sport direktori Kristiano Gintoli quyidagi fikrlarni bildirib o‘tdi:

"Zaltsburg" bilan allaqachon kelishuvga erishgandik. Biz 25 million evro to‘lov qilishimiz kerak edi. 

Xoland va Osimxen - klub uchun asosiy maqsad bo‘lib turgandi. Ammo Erling "Borussiya" Dortmund variantini ma’qul ko‘rdi. Shundan so‘ng biz Viktorni sotib oldik. O‘sha paytda ikkalasining darajasini teng, deb hisoblaganmiz", - dedi Gintoli.

Eslatib o‘tamiz, Osimxen "Napoli"ga 2020 yil "Lill"dan 40 million evro evaziga ko‘chib o‘tgandi.