"Насаф" - "Пахтакор": Клублар ўзаро кетма-кет 4-бор Суперкубокда тўқнаш келишмоқда

Бугун Ўзбекистон Суперкубогида "Насаф" ва "Пахтакор" клублари ўзаро кураш олиб боришади. Мазкур баҳс ушбу жамоалар иштирокидаги кетма-кет 4-Суперкубок баҳси ҳисобланади. Икитасида "шерлар" зафар қучган бўлса, Бердиев шогирдлари ўтган йили бу анъанага нуқта қўйди. 

2021 йил

Суперлигани қўлга киритган "Пахтакор" баҳорнинг илк ойида Суперкубок учун қаршиликларга қарши майдонга тушиб, Драган Чераннинг ягона голи эвазига зафар қучганди. 50-дақиқада Фаррух Сайфиевнинг қанотдан узатган пасидан сўнг ҳужумчи "Насаф" дарвозасини ишғол қилган. 

Жамоаларнинг таркиби

2022 йил

Яна бир бор Суперлига чемпионига айланган "Пахтакор" кетма-кет иккинчи марта "Насаф" билан Суперкубок учун кураш олиб боришига тўғри келди. Мазкур баҳс Питер Хюстра кетганидан кейин Славче Войнескининг дебют ўйини эди ва биринчи учрашувининг ўзидаёқ у соврин ютишга муваффақ бўлади. 

Бу сафар 61-дақиқада яна чап қанотдан узатилган тўпни Черан боши билан дарвозога жойлаб қўйди ва жамоасиниг муҳим ғалабасига ўзининг катта ҳиссасини қўшди. Жамолар эса ўша ўйинни мана шундай таркиб билан бошлаганди. 

2023 йил

3-бор бу жамоалар Жиззахда тўқнаш келишди. "Сўғдиёна" стадионида бўлиб ўтган Суперкубок учрашувида Қарши клубининг қўли баланд келади. 

Дастлаб, 8-дақиқада Банашак ҳисобни очишга муваффақ бўлади. Тайм сўнггида эса Бозоров имкониятларни тенглаштирган бўлса, 66-дақиқада Станоевич ғалаба голини уради. Шу тариқа, "Насаф" қора анъанасига нуқтани қўйганди. 

2024 йил

Мана 4-йилдирки "Пахтакор" ва "Насаф" ўзаро ушбу совринни қўлга киритиш учун тўқнаш келишмоқда. Бу сафарги баҳс Тошкентнинг Чилонзор туманида жойлашган "Бунёдкор" стадионида бўлиб ўтади. "Шерлар" ўтган ўйин аламини олиш, қашқадарёликлар эса кетма-кет иккинчи марта Суперкубокни ютиш учун майдонга тушишади.