"Насаф" меҳмонда мағлубиятга учради

Coca Cola Суперлигаси 23-туридан ўрин олган "Сўғдиёна" - "Насаф" учрашуви ўз якунига етди. Унда 3:1 ҳисоби қайд этилди.

Дастлаб, Шоҳруз Норхонов тезкор голи билан жамоасини ҳисобда олдинга олиб чиққан бўлса, 25-дақиқада Бобир Абдиҳолиқов тарози паллаларини тенглаштирди. Иккинчи бўлимда фаолликни оширган жиззахликлар Жавоҳир Қаҳрамонов ҳамда Баҳодир Насимовнинг голи эвазига 3 очкони қўлга киритди.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди.

• 90+4'
  

  ГООООООООООЛЛЛЛЛЛЛЛ! Насимов ўйинга нуқта қўйди!

  Дарвозабон билан бирга-бир вазиятга чиқиб борган Насимов жамоасининг 3-голини киритди.

• 90+2'
  

  Баҳодир Насимов Жасур Ҳасановни алмаштирди.

• 90'
  

  Ўйиннинг асосий вақтига 3 дақиқа қўшиб берилди.

• 90'
  

  Марко Колакович огоҳлантирилди.

• 88'
  

  Шароф Муҳитдиновнинг стандарт вазиятдан берган зарбасини дарвозабон қайтарди.

• 87'
  

  Жавоҳир Қаҳрамонов ўз ўрнини Санжар Рашидовга бўшатиб берди.

• 86'

  Комилов жарима майдонига узатма амалга оширди. Ҳимоячилар тўпни қайтарди.

• 84'

  Сўнгги дақиқаларни "аждарлар" ҳужумлар уюштириш билан ўтказмоқда. Мезбонлар қарши ҳужумда фурсат пойлаяпти.

• 81'
  

  Марко Станоевич ва Ислом Кенжабоев захирага олинди. Улар ўрнига Акмал Мозговой ҳамда Шоҳмалик Комилов ўйинга қўшилди.

• 78'
  

  Санъат Шихов ўрнига Элёр Орифов ўйинга қўшилди.

• 75'

  Жасур Ҳасанов шериги узатган тўпга ета олмади.

• 73'

  Бердиев шогирдлари ҳисобни тенглаштириш учун ҳужумлар уюштиришдан тўхтамаяпти.

• 70'
  

  Жавоҳир Қаҳрамонновга тиббий ёрдам кўрсатиляпти.

• 68'

  Ўзгаришлар амалга оширган меҳмонлар фаоллишни оширмоқда.

• 65'
  

  Жўрабек Маннонов ҳамда Бобир Абдуҳолиқов ўрнига Муродбек Ҳўжабердиев ва Хусаин Норчаев майдонга тушди.

• 63'
  

  Ҳасанов бу сафар ҳам воқеалар ривожидан илгарилаб кетди.

• 61'
  

  ГООООООООООЛЛЛЛЛЛЛ! Қаҳрамонов ҳисобдаги фарқни оширди!

  Жарима майдони ичида юзага келган палапартишликдан унумли фойдаланган Жавоҳир жамоасининг иккинчи голини киритди.

• 58'
  

  Жасур Ҳасанов ўйиндан ташқари ҳолатда қолиб кетди.

• 56'

  "Аждарлар" рақиб ҳужумларини катта қийинчилик билан қайтармоқда.

• 54'

  Ҳасановнинг узатмасини Норхонов дарвозага тўғирлаб юборди. Зарбага аниқлик етишмади.

• 51'

  "Насаф" жарима майдони олдида мезбонлар хавф туғдирмоқда.

• 48'

  Бўлимни жиззахликлар фаолроқ бошлади.

• 46'
  

  Иккинчи тайм бошланди!

• 45'
  

  Биринчи бўлимга вақт қўшилмади. Танаффус!

• 43'

  Тайм сўнгини жамоалар ҳужумлар билан ўтказмоқда.

• 41'

  Марко Станоевичнинг чап оёқда ёўллаган зарбасига юироз аниқлик етишмади.

• 37'

  Бурчакдан Ҳасанов узатма амалга оширди. Тўп Марко Калаковичдан майдон ташқарисига чиқиб кетди.

• 33'

  Ҳар икки жамоа футболчилари ҳам ҳужумлар уюштиришдан тинмаяпти.

• 29'

  Сўғдиёна футболчиларининг иккинчи голи ўйин қоидаси бузилганлиги туфайли ҳисобга олинмади.

• 25'
  

  ГООООООООООЛЛЛЛЛЛЛ! Абдиҳолиқов ҳисобни тенглаштирди.

  Дилшод Раҳматуллаевнинг зарбасини дарвозабон қайтарди. Қайтган тўпни Абдуҳолиқов дарвозага киритди.

• 22'
  

  Бурчакдан етказиб берилган тўпни Бозоров рақиб дарвозаси томон йўналтирди. Бироз ноаниқ.

• 19'
  

  Умиджон Эргашев Санъат Шиховнинг зарбасини бартараф этди. 

• 16'
  

  Бурчак зарбаси бесамар кетди. 

• 15'

  Болтабоевнинг фаоллиги жамоасига хавфли ҳужум ҳадя этди. Аммо зарба ноаниқ.

• 12'

  "Сўғдиёна" қарши ҳужумларга таяна бошлади. 

• 10'

  Раҳматуллаевнинг жарима майдони ташқарисидан берган зарбаси ҳимоячиларга тегиб қайтди. 

• 8'
  

  ГООООООООООООЛЛЛЛЛЛЛЛЛЛЛЛЛЛЛ!!! Норхонов бурчакдан узатилган тўпни боши билан дарвозага жойлаб қўйди. 

• 5'

  Майдон эгалари дастлабки дақиқаларда ташаббусни қўлга олмоқда.

• 2'

  "Насаф" бурчак зарбасидан наф чиқара олмади. 

• 1'
  

  Ўйин бошланди. 

• 0'

  Ассалому алайкум, азиз Суперлига ихлосмандлари. Суперлига 23-тури давом этади. "Сўғдиёна" - "Насаф" баҳсини Абдулвосид Валихонов матнли трансляцияда эътиборингизга ҳавола этади.