"Насаф" ўртоқлик ўйинида йирик ҳисобда ғалаба қозонди

Coca-Cola Суперлигамизда юзага келган танаффусдан клубларимиз унумли фойдаланиш мақсадида назорат учрашувларини ўтказмоқда.

Жумладан, “Насаф” ўқув-машғулот йиғини давомида ўртоқлик беллашувида ҳам иштирок этди. Куни кеча қаршиликлар Жамшид Саидов бошқарувидаги “Бухоро” билан куч синашди. Голларга бой тарзда ўтган баҳсда “Насаф” 4:1 ҳисобида ғалаба қозонди.

Жавоҳир Шокировнинг дубли, Муҳриддин Зоиров ҳамда Дилшод Раҳматуллаевнинг киритган голларига бухороликлар бир бор жавоб қайтарди.

Эслатиб ўтамиз, “Насаф” жамоаси Суперлиганинг 23-турини 20 ноябрь куни “Сўғдиёна” майдонида ўтказади.