
"Nasaf" va "Neftchi" "Paxtakor"ning eng "qadrdon" raqiblari!
"Sherlar" 27 fevral kuni klub tarixidagi 26-finalda maydonga tushadi.
Hozirgacha jamoa o‘zi o‘ynagan 25 finalning 16 tasida g‘alaba qozongan. Qo‘lga kiritilgan sovrinlar orasida O‘zbekiston Kubogi (13 marta), Superkubok, Liga Kubogi va MDH Chempionlari Kubogi bor. O‘zbekiston Kubogi finalida 4, Superkubokda 3, SSSR Kubogi va MDH Chempionlari Kubogida bir martadan finallarda "sherlar" imkoniyatni boy bergan. Finallarda eng ko‘p to‘qnashuvlar "Nasaf" va "Neftchi"ga qarshi kuzatilgan - 5 martadan. "Sherlar" AGMK bilan 4, "Bunyodkor" bilan esa 3 marta maydonga tushgan.
Shuningdek, "Paxtakor" yana "Paxtakor-79" xotira turniri, PFL Kubogi, SSSR birinchi liga Kubogi, "IBA Shield" kabi musobaqalar finallarida ham ishtirok etib, "Paxtakor-79", SSSR birinchi liga Kubogi hamda "IBA Shield" musobaqalarida g‘olibga aylangan.
"Paxtakor" klubi matbuot xizmati
Fikrlar