"Nasaf"ning g‘alabali seriyasi o‘z nihoyasiga etdi

Superliganing 20-turidan o‘rin olgan so‘nggi o‘yin "Bunyodkor" va "Nasaf" o‘rtasida bo‘lib o‘tdi. Ushbu uchrashuvda tomonlar durangga imzo chekishdi. 

Dastlab, ikkita gol farqi bilan oldinga chiqib olgan "ajdarlar" ikki marta o‘z darvozasidan to‘p olib chiqishdi. Shu bilan birga, Muhitdinov qizil kartochka olib, maydonni tark etdi. 

Mazkur duranggdan keyin "Nasaf"ning Superligadagi seriyasi o‘z nihoyasiga etdi. Klub so‘nggi marta "Metallurg" bilan murosa ko‘chasini tanlagandi. Shundan beri qashqadaryoliklar ketma-ket 7 ta o‘yin faqat g‘alaba qozongan bo‘lsa, shulardan 6 tasida gol o‘tkazib yubormagan. 

Ayni paytda turnir jadvalida peshqadam bo‘lib turgan jamoani keyingi turda "Surxon" kutib turibdi. Undan oldin esa o‘z maydonida "Shabab Al-Ahli"ga qarshi kurash olib boradi.