"Насаф"нинг ғалабали серияси ўз ниҳоясига етди

Суперлиганинг 20-туридан ўрин олган сўнгги ўйин "Бунёдкор" ва "Насаф" ўртасида бўлиб ўтди. Ушбу учрашувда томонлар дурангга имзо чекишди. 

Дастлаб, иккита гол фарқи билан олдинга чиқиб олган "аждарлар" икки марта ўз дарвозасидан тўп олиб чиқишди. Шу билан бирга, Муҳитдинов қизил карточка олиб, майдонни тарк этди. 

Мазкур дуранггдан кейин "Насаф"нинг Суперлигадаги серияси ўз ниҳоясига етди. Клуб сўнгги марта "Металлург" билан муроса кўчасини танлаганди. Шундан бери қашқадарёликлар кетма-кет 7 та ўйин фақат ғалаба қозонган бўлса, шулардан 6 тасида гол ўтказиб юбормаган. 

Айни пайтда турнир жадвалида пешқадам бўлиб турган жамоани кейинги турда "Сурхон" кутиб турибди. Ундан олдин эса ўз майдонида "Шабаб Ал-Аҳли"га қарши кураш олиб боради.