Ads

Ўтган мавсумнинг биринчи ярмини “Насаф” клубида ўтказган сербиялик ҳимоячи Славко Лукич айни дамда “Навбаҳор” кўригида бўлиб турибди.

Берилган маълумотларга қараганда 29 ёшли футболчи тиббий кўрикдан муваффақиятли ўтса, “лочинлар” у билан шартнома имзолашади.

Маълумот учун, Лукич “Насаф”дан кетгач фаолиятини Сербия Олий лигаси иштирокчиси ҳисобланган “Земун” клуби сафига бориб қўшилган эди. У қаршиликлар сафида Суперлигада жами 14та ўйинда иштирок этиб, ўз ҳисобига 2та гол ёздириб қўйишга эришган.

Эслатиб ўтамиз, "Навбаҳор" ўтган мавсум давралар оралиғида "Насаф"нинг россиялик легионери - Игорь Голбанни ўз сафига қўшиб олган эди.