"Навбаҳор" - "Насаф" учрашувининг чипталари нега қиммат бўлиши маълум қилинди

3 март санасида Суперлига 1-туридан ўрин олган "Навбаҳор" - "Насаф" баҳси бўлиб ўтади. Ўйинга бўлган қизиқиш жуда юқори. Чипталарнинг қанчадан сотилиши кўпчиликни қизиқтирмоқда. Бу саволга Наманган вилояти ҳокими Шавкат Абдураззоқов "Навбаҳор" жамоасининг тақдимот маросимида жавоб берди.

"Навбаҳор" жамоасининг тақдимот маросими қандай ўтди? Арена мухлислар билан тўла бўлди (Фотогалерея)

- Очиғини айтиб қўяй: интернетда муҳокамай қилманглар - биринчи ўйинга билет қиммат бўлади. Илк турда сизларни ўйлаб чипталарни арзон чиқарсак, барибир «қўлда» қиммат бўлиб кетади. Клубга пул зарур пайтда нега энди чайқовчи бойиши керак!?

Бундай жамоани ушлаб туриш осон эмас. Кейинги турлардан эски нархга туширамиз. Эртага интернетда муҳокама бўлиб кетмасидан аввал буни ўзимдан эшитинглар дедим.

Яна бир бор барчага раҳмат. Ўйлайманки, бу йил жуда катта натижаларга эришамиз, - деди вилоят ҳомики.

"Навбаҳор" - "Насаф" беллашуви 3 марта куни 18:30да бошланади.