“Навбаҳор” бу мавсум Cуперлигада қайси жамоалардан енгилмади?

Ўз якунига етган Coca Cola Суперлигаси жорий мавсумини "Навбаҳор" жамоаси 9-ўринда тугатди. Наманганликлар "Суперлига–2020"да фақатгина Муборакнинг "Машъал" клубидан очко ололмади, холос.

Аммо шуни ҳам таъкидлаш жоизки, муборакликлар билан Наманганда бўлиб ўтиши лозим бўлган 11-тур баҳси марказлашган ҳолда ўтказилганлиги боис, Тошкентдаги "Жар" стадионида бўлиб ўтди ва унда "Навбаҳор" номинал мезбон сифатида майдонга тушганди.

Айтиш лозимки, "лочинлар" якунланган мавсумда дастлабки уч ўринни эгаллаган "Пахтакор", "Насаф" ҳамда АГМК клубларидан ҳам очко олишга муваффақ бўлган. Умуман олганда, якунланган мавсумда Суперлиганинг 7 та жамоаси “Навбаҳор”ни енга олмади.

Яна шуни ҳам таъкидлаш жоизки, "лочинлар" "Суперлига-2020"да "Қизилқум" устидан иккита ўйинда ҳам ғалаба қозонган.

Қуйида "Навбаҳор"нинг қайси жамоадан неча очко олганлиги статистикаси билан танишасиз.

"Қизилқум" – 6 очко

"Бухоро" – 4 очко

"Металлург" – 4 очко

"Сурхон" – 4 очко

"Локомотив" – 3 очко

"Сўғдиёна" – 3 очко

"Бунёдкор" – 3 очко

"Андижон" – 2 очко

"Насаф" – 2 очко

АГМК – 2 очко

"Пахтакор" – 1 очко

"Қўқон-1912" – 1 очко.