3 октябрь куни Тошкентда “Бунёдкор” жамоасига қарши ўтадиган учрашувга тайёргарлик кўраётган "Навбаҳор" жамоаси бугундан машғулотларни Тошкентда давом эттиради. Бу ҳақда клуб матбуот хизмати хабар бермоқда.

Кеча жамоа аъзолари куннинг биринчи ярмида Намангандаги сўнгги машғулотни ўтказишганди. Бугун эрта тонгда пойтахт сари йўлга тушган "лочинлар" кечки машғулотларда иштирок этади. Бироздан сўнг футболчилар “Локомотив” спорт мажмуасида илк машғулотга киришишади.

Эслатиб ўтамиз, “Бунёдкор” - "Навбаҳор" учрашуви 3 октябрь куни соат 20:00да “Миллий” ўйингоҳда бошланади.