"Навбаҳор" "Бунёдкор"га ютқазган ўйинда юбилей баҳсини ўтказди

Наманганнинг “Навбаҳор” клуби миллий чемпионатимизга асос солинганидан буён Cуперлига (олий лига)нинг мунтазам 2 иштирокчисидан (“Пахтакор” билан биргаликда) бири ҳисобланади.

Хабарингиз бор, 29 сентябрь – 3 октябрь кунлари Coca Cola Суперлигада 20-тур баҳслари ўтказилди. Мазкур турда жамоамиз Тошкентда “Бунёдкор” меҳмони бўлиб, 1:2 ҳисобида имкониятни бой берди.      

Ушбу учрашув “Навбаҳор”нинг миллий чемпионатларимиздаги 900-ўйини сифатида тарихга кирди.

Таъкидлаш жоизки, жамоамиздан ташқари, фақатгина “Пахтакор” Суперлига (олий лига)да 900 та учрашув ўтказган холос.    

“Лочинлар” Ўзбекистон Суперлига (олий лигаси)да ўтказилган 900 та ўйинда 414 ғалаба, 192 дуранг, 304 мағлубиятни қайд этиб, рақиблар дарвозасига 1446 та гол урган ҳолда, ўз дарвозаларидан 1054 та тўп ўтказиб юборишган.

Наманганликларнинг 1992-2022 йиллардаги чемпионат баҳсларида айни пайтгача жамғарган жами очколари 1437 тани ташкил этмоқда.

Ортда қолган миллий чемпионатларимиз тарихида шу пайтгача Суперлига (олий лига)да қатнашган 40 та жамоа (“Олимпик” Суперлиганинг 40-жамоаси) орасида “лочинлар” умумий очколар сони бўйича фақатгина Тошкентнинг “Пахтакор” (жами очколари 1988) ва Фарғонанинг “Нефтчи” (жами очколари 1570) жамоаларидан ортда боришмоқда, холос.

Тўртинчи поғонадаги “Насаф” (Қарши) клубининг умумий очколари эса 1380 тани ташкил этади.

“Навбаҳор” ПФК матбуот хизмати.

Фикрлар

Фикр қолдириш учун авторизациядан ўтинг!