"Навбаҳор" эртага янги футболчиларнинг тақдимот маросимини ўтказади

Суперлига - 2022 стартига ҳам тобора оз фурсат қолмоқда. Хабарингиз бор, “Навбаҳор” ҳар йили янги мавсум олдидан тақдимот маросимини ўтказади.

Бу йилги маросим эса эртага, яъни, 27 февраль, якшанба куни Наманган шаҳридаги “Паҳлавон” спорт мажмуасида соат 11:30 да бошланади.

Тадбирда жамоамиз таркибига янги қўшилган футболчиларни таништириш, шунингдек, жамоанинг бўлажак мавсум давомида фойдаланадиган футболкалари тақдимоти ўтказилади.

“Навбаҳор” ПФК матбуот хизмати.