“Бунёдкор” футбол клубидаги ҳолатдан келиб чиқиб, Coca Cola Суперлиганинг 9-туридан ўрин олган “Бухоро” — “Бунёдкор” учрашуви номаълум муддатга қолдирилганди. 

Ўзбекистон Профессионал футбол лигаси футболчилар саломатлиги биринчи ўринда эканидан келиб чиқиб, Суперлиганинг 8-турида “Бунёдкор” меҳмони бўлган “Навбаҳор” футболчиларини ҳам текширувдан ўтказиш фикрини илгари сурганди. Кеча Наманган клуби футболчилари ўз базаларида тиббий текширувдан ўтишди. 

Бугун — 13 июль куни “Навбаҳор” футбол клуби тиббий хулосалар бириктирилган расмий хатни Ўзбекистон Профессионал футбол лигасига тақдим этди. Унга кўра, “Навбаҳор” футболчиларида инфекция аниқланмаган. Бу ҳақда ташкилот расмий сайти хабар бермоқда.

Шундан келиб чиқиб, клубнинг 9-тур доирасидан ўрин олган “Қизилқум”га қарши учрашуви ўз вақтида бўлиб ўтади. Ўйин 13 июль куни 20:00 да старт олади.