“Navbahor” futbolchilarining statistikasi

“Navbahor” klubi matbuot xizmati jamoaning "Superliga – 2020"dagi statistik ma’lumotlari bilan tanishtirib bormoqda.

Bu safar futbolchilarning maydonda qancha vaqt harakat qilganliklari borasidagi statistikaga to‘xtalib o‘tildi.

Yakunlangan mavsumda “lochinlar” tarkibida 29 nafar o‘yinchi maydonga tushdi.

Ta’kidlash joizki, ulardan 5 nafari – Sardor Telyakov, Dostonbek Abdulhaev, Mirzohid Mirzamahmudov, Husayn Ergashboev va Sherzod G‘ulomjonov bu yil Superligada o‘z debyutini nishonladi.

2 nafar tajribali futbolchi - darvozabon O‘tkir Yusupov hamda himoyachi Igor Golban eng ko‘p maydonga tushishdi va ular 24 ta o‘yinda to‘liq harakat qildi (2160 daqiqadan).

Yarim himoyachi Azizbek Turg‘unboev garchi 25 ta bahsda maydonga tushgan bo‘lsa-da, u 5 ta uchrashuvda almashtirilgan, bitta o‘yinda zaxiradan maydonga tushdi hamda 2116 daqiqa to‘p tepgan.

O‘z navbatida ta’kidlash joizki, Turg‘unboev  bitta uchrashuvni aynan diskvalifikatsiya sababli, ya’ni hisobidagi sariq kartochkalari soni 4 ta etganligi bois o‘tkazib yuborgandi.

Himoyachi Mirzohid G‘ofurov esa 22 o‘yyinda maydonga tushib, 1952 daqiqa harakatlandi.

Quyida sizlarni “Navbahor”  futbolchilarining "Superliga – 2020"dagi mavsum statistikasi bilan tanishtiramiz.