"Навбаҳор" клуби "Нефтчи"нинг асосий футболчисини қўлга киритди

Жорий мавсум бошида Фарғонанинг "Нефтчи" жамоасига келиб қўшилган Тома Табатадзе фаолиятини бошқа клубда давом эттиришга яқин.

SPORTS.uz сайтига маълум бўлишича, фарғоналиклар етакчисига айланиб, кўплаб голлар ураётган грузиялик ҳужумчи "Нефтчи"ни тарк этган. У иккинчи даврани "Навбаҳор"да бошлашга яқин. Шу боисдан футболчи "лочинлар" сафига қўшилган бўлиш эҳтимоли йўқ эмас.

Маълумот ўрнида, Тома Табатадзенинг "Нефтчи" билан амалдаги шартномаси бор эди. Агар у жамоани тарк этса келишувга кўра товон пули тўлаши белгиланган. Энди у компенсация тўлайди.

Маълумот ўрнида, ПФЛ расмий сайтидаги статистикага эътибор қаратсак, Тома Табатадзе Суперлигадаги 13 ўйиннинг барчасида майдонга тушган ва жамоадошлари орасида энг кўп дақиқа (1125) ҳаракат қилган. Шунингдек, грузиялик ҳужумчи клуб сафида энг кўп гол урган футболчи (6) ҳамда Суперлига тўпурарлар баҳсида Хебай ва Черандан сўнг учинчи ўринда бормоқда.

"Нефтчи"да Тома Табатадзе билан боғлиқ вазият қандай эди? Клуб ва футболчи орасида муаммо борми? - Клуб расмийсининг изоҳи