"Навбаҳор" Тошкентда 1 очко қўлга киритди

Ўзбекистон Суперлигаси 9-туридан ўрин олган "Бунёдкор" - "Навбаҳор" учрашуви ўз якунига етди. Унда томонлар 0:0 ҳисобидаги дурангга имзо чекди.

Ўйин давомида мезбонлар кичик устунлик қилди. Бироқ меҳмонлар посбони Ўткир Юсупов жамоасини бир неча вазиятда муқаррар голдан қутқариб қолди.

Ушбу дурангдан кейин "қалдирғочлар" очколари сонини 12 тага етказиб олган бўлса, "лочинлар" 10 очко жамғаришга муваффақ бўлган.

• Суперлига
• 9-тур

Бунёдкор

0 : 0

18/05/2021 19:45

Навбаҳор

Стадион: "Бунёдкор" стадиони, 3851 томошабин

Бош ҳакам: Аҳрол Рисқуллаев

Батафсил

• 90+6'
  

  Учрашув якунланди. Марказий ўйинда "Навбаҳор" "Бунёдкор" майдонида аранг 1 очкони қўлга киритди.

• 90+4'

  Томиванинг жарима майдони ичидан берган зарбаси ноаниқ кетди. "Навбаҳор" катта қийинчилик билан ҳимояланмоқда.

• 90+3'

  Сўнгги дақиқаларни майдон эгалари ҳужумда ўтказмоқда.

• 90+1'

  Мезбонлар яна бир ўта қулай имкониятни қўлдан чиқарди. Бу сафар жарима майдони чизиғидан Мираҳматовнинг берган зарбаси ноаниқ кетди.

• 90'
  

  Ўйиннинг асосий вақтига 6 дақиқа қўшиб берилди.

• 89'
  

  Тўхтасиновнинг яқин масофадан йўллаган зарбасидан кейин Юсупов жамоасини муқаррар голдан сақлаб қолди.

• 88'
  

  Жамоадоши майдонни тарк этишидан олдин майдонга тушган Маҳмудхожиев огоҳлантирилди.

• 88'
  

  Ғуломжонов ҳамда Маҳмудхожиев майдонга тушди. Улар ўрнига Исоқжонов ва Абдураҳимов захирага олинди.

• 86'

  Икромовнинг жарима майдони ичидан берган зарбаси ҳимоячилардан ўтмади.

• 84'
  

  Ҳозиргина майдонга тушган Томива Рўзиевга нисбатан қоида бузди. Рисқуллвев унга сариқ карточка кўрсатди.

• 83'
  

  Хуршид Ғиёсов ўз ўрнини Иброхим Томивага бўшатиб берди.

• 82'
  

  Жароҳатлар ўйин темпига таъсир қилмай қолмаяпти. Бу сафар Исоқжоновга тиббий ёрдам керак.

• 80'

  Ғуломовнинг узатмасидан кейин қулай позициядан Стоянович зарба бера олмади.

• 80'
  

  Тўраев рақиб узатмасидан кейин тўпни ўтказмади. "Навбаҳор" бурчак зарбасини қўлга киритди.

• 78'
  

  Қувондиқ Рўзиевга тиббий ёрдам кўрсатилмоқда.

• 76'
  

  Расул Йўлдошевнинг зарбасидан кейин Юсупов жой танлашда тўғри ҳаракат қилди.

• 74'

  Стояновичнинг яқин масофадан бош билан йўллаган зарбасидан кейин тўп тўрга ташқи томондан келиб тегди ва уни узиб юборди. Ҳакам техник муаммо бартараф этилгунига қадар ўйинни тўхтатиб турибди.

• 73'

  Нурилло Тўхтасиновнинг бу сафарги уринишига ҳам аниқлик етишмади.

• 72'

  Ўйин анча юқори темпда давом этмоқда. Ҳар икки жамоага ғалаба зарур.

• 70'
  

  Азим Аҳмедов майдонда ётибди. Шифокорлар унга тиббий ёрдам кўрсатмоқда.

• 69'

  Исоқжоновнинг ўткир бурчакдан берган зарбаси ноаниқ кетди.

• 68'

  Бу сафар Расул Йўлдошевнинг жарима майдони ташқарисидан берган зарбаси хавфли чиқди. Бироқ тўп бироз ноаниқ кетди.

• 67'
  

  Мезбонлар бурчак зарбасидан хавфли вазият ташкил эта олди. Тўпга чиқишда хатога йўл қўйган Юсупов жамоасига панд бериб қўйишига бир баҳя қолди.

• 66'
  

  Бу сафар Икромовнинг аниқ зарбасини "Навбаҳор" посбони қайтарди. 

• 65'
  

  Хуршид Ғиёсовнинг бош билан йўллаган зарбасидан кейин Юсупов тўпни ушлаб олди.

• 64'

  Тезкор қарши ҳужум билан рақиб жарима майдонига кирган Паншанбе пас беришда хатога йўл қўйди.

• 63'
  

  Забиҳилло Ўринбоев ўз ўрнини Славиша Стояновичга бўшатиб берди.

• 62'

  Қарши ҳужумга ўтган Ғиёсовни шериклари етарлича қўллаб-қувватламади.

• 61'
  

  Тўхтасиновнинг қулай позициядан берган зарбаси кучсиз чиқди. Юсупов тўпни ушлаб олди.

• 59'
  

  Ҳужумда қоида бузган Мираҳматов огоҳлантирилди.

• 58'

  Суҳроб Иззатов рақиб жарима майдони ичида мувозанатни йўқотди. Ҳакам унга ўрнидан туриши кераклигини уқтирди.

• 56'
  

  Илк "юриш" Жалиловдан: Тельяков ўз ўрнини Абдураҳимовга бўшатиб берди.

• 54'
  

  "Бунёдкор" футболчисига тиббий ёрдам кўрсатилмоқда.

• 52'

  Даврон Эргашевнинг зарбасига аниқлик етишмади.

• 50'
  

  Иккинчи 45 дақиқаликни пойтахтликлар нисбатан фаол бошлади. Уларда бурчак зарбаси.

• 49'

  Мезбонлар вакилининг зарбасидан кейин тўп кўзланган манзилга бормади.

• 48'

  Хуршид Ғиёсов рақиб жарима майдони ичида қўполлик ишлатди. Юсупов эркин зарба билан тўпни ўйинга киритиб беради.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+2'
  

  Биринчи таймда жамоалар дарвозаларга йўл топа олмади. Танаффус!

• 45+1'
  

  Тўраевга нисбатан қоида бузган Соловьев огоҳлантирилди.

• 45'
  

  Биринчи таймга 1 дақиқа қўшиб берилди.

• 43'

  Ғиёсовнинг жарима майдонига берган пасини Расул Йўлдошев дарвозага йўллади. Анча хавфли чиққан зарбага бироз аниқлик етишмади.

• 42'

  Тўпни тўхтата олмаган Ўринбоев жамоаси ҳужуми муддатидан аввал якунланишига сабаб бўлди.

• 40'
  

  Рақибига нисбатан қоида бузган Сардор Теляковга сариқ карточка кўрсатилди.

• 39'

  Хуршид Ғиёсовнинг жарима майдони ичидан берган зарбасига аниқлик етишмади.

• 37'

  Томонлар ҳужумдан кўра орқа чизиқда ишончлироқ ҳаракат қилмоқда.

• 35'
  

  Тўпга интилиш мобайнида оёқ пайларини чўзиб олган Исоқжоновга тиббий ёрдам кўрсатилмоқда.

• 34'

  Аҳмедовнинг узатмасидан кейин Исоқжонов бирга-бир вазиятга чиқиб бориши мумкин эди. Бироқ у тўпни тўхтата олмади.

• 33'

  Ҳимояда ажойиб "подкат" ишлатган Азим Аҳмедов рақибнинг қарши ҳужуми барбод бўлишига сабаб бўлди.

• 32'

  Тўпга кўпроқ "қалдирғочлар" эгалик қилмоқда. "Лочинлар" прессингда.

• 30'

  Тўхтасиновнинг узатмасидан кейин Мираҳматов ноаниқ зарба берди.

• 29'
  

  Иван Соловьевга тиббий ёрдам керакка ўхшайди. Шифокорлар майдонга тушиб келди.

• 27'

  Забиҳилло Ўринбоевнинг зарбасидан кейин тўп тўсин юқорисидан ўтиб кетди.

• 25'
  

  Жарима майдонига оширилган тўпга Исоқжоновнинг берган зарбаси хавфли чиқди. Тўп устун ёнгинасидан ўтиб кетди.

• 25'

  Рўзиевнинг кучли зарбаси рақиб футболчисига тегиб майдонни тарк этди. Меҳмонлар бурчакдан тўпни ўйинга киритиб беради.

• 23'

  Қулай позицияга чиқиб борган Мираҳматовгача тўп ўтмади. Аҳмедов вазият қаҳрамони.

• 21'

  Голбаннинг узатмасидан кейин тўпга Исоқжонов ета олмади. Меҳмонларнинг қарши ҳужуми барбод бўлди.

• 19'
  

  Бурчакдан оширилган тўпга Даврон Эргашев ноаниқ зарба берди.

• 18'

  Мираҳматов жарима майдони ичида йиқилиб тушди. Рисқуллаев ўйинни давом эттиришга рухсат берди.

• 16'

  Ибрагимовнинг узоқ масофадан йўллаган зарбаси ноаниқ кетди.

• 14'

  Нурилло Тўхтасиновнинг кучли зарбасига аниқлик етишмади.

• 13'
  

  Рақиб футболчисидан қайтган тўпни жарима майдони ичида турган Соловьев дарвозага йўллади. Ягудин ўз ўрнида.

• 13'

  Эргашев Сооловьевга нисбатан қоида бузди. "Навбаҳор"да яхши стандарт вазият.

• 11'

  Ўринбоевнинг босимидан кейин Ягудин хато қилди. Аммо унинг ўзи тўпни эгаллаб олиб, вазиятни бартараф этди.

• 10'

  Мақсудов шогирдлари рақиб ярим майдонида қисқа узатмалар билан ўйин тизгинини бошқармоқда.

• 8'
  

  "Лочинлар" иккинчи бурчак зарбасидан ҳам ҳеч қандай наф чиқара олмади.

• 7'
  

  Фарруҳ Икромов ўйиндан ташқари ҳолатда қолиб кетди.

• 6'

  Тўп майдон эгалари назорати остида бўлиб турибди.

• 4'
  

  Бурчакдан етказиб берилган тўпни ушлаб олган Ягудин жамоасининг тезкор қарши ҳужумини бошлади. Бироқ унинг узатмасидан кейин рақиб посбони тўпни узоқлаштирди.

• 3'

  Мирзоҳид Ғофуровнинг зарбасидан кейин тўп жонли деворга тегиб ўз йўналишини ўзгартирди.

• 2'

  Илк дақиқалардан олдинга интилган меҳмонлар стандарт вазиятга эга бўлди. Тўғридан тўғри зарба бериш учун қулай нуқта.

• 1'
  

  Ўйин бошланди!

• 0'

  Футболчилар майдонга тушиб келди. Марказий ўйин бир неча дақиқалардан кейин старт олади.