"Навбаҳор" тўхтамаяпти: навбатдаги трансфер - Жамшид Искандеров!

“Навбаҳор” тўхтамаяпти. Бу сафар яқинда “Соннам” клубини тарк этган Жамшид Искандеров билан шартнома тузди. Бу ҳақида клуб матбуот хизмати хабар берди.

“Навбаҳор” таркиби кучайишда давом этмоқда. Ўзбекистон миллий терма жамоасига номзод футболчилардан яна бири – маҳоратли ярим ҳимоячи Жамшид Искандеров “Навбаҳор” клуби билан шартнома имзолади ва у ҳам янги мавсумда жамоамиз сафида тўп тепади. Искандеровга “лочинлар” билан улкан муваффақиятларга эришишига тилак билдириб қоламиз.

ЖАМШИД ИСКАНДЕРОВ

Туғилган санаси: 1993 йил 16 октябрь

Туғилган жойи: Урганч, Ўзбекистон

Амплуаси: ярим ҳимоячи

Искандеров фаолияти давомида Самарқанднинг “Динамо” (2011; 2 ўйин), Тошкентнинг “Пахтакор” (2011-2018; 126 ўйин, 19 гол), Тошкентнинг “Локомотив” (2019; 26 ўйин 6 гол) клубларида ўйнаган. Шунингдек, маълум муддат Жанубий Кореянинг “Соннам” клубида фаолият юритди.

Ўзбекистон U-20 (2013; 5 ўйин 1 гол), U-23 (2014-2016; 7 ўйин 1 гол) термалари ҳамда миллий жамоамиз (2013-ҳ.в.; 23 ўйин 3 гол) сафида ўйнаган”.

 “Навбаҳор” ПФК матбуот хизмати.