"Навбаҳор" вице президенти яна жазоланади, "Насаф" ва ОКМК талабни умуман бажармагани учун чора кўрилади ва бошқа футболчилар бир нечта ўйинга четлатилади

Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги интизомий ишлар кўриб чиқилди. Бу ҳақда ЎФА матбуот хизмати хабар берди.

Суперлига
“Навбаҳор лочинлари” — “Нефтчи”

Суперлиганинг 26-тури доирасидаги “Навбаҳор лочинлари” — “Нефтчи” учрашувининг 78-дақиқасида “Навбаҳор лочинлари” футбол клуби футболчиси И.Нестеров учрашув тўхтатилган вақтда техник зонани тарк этиб, майдонга чиққанлиги ҳамда тартибсизлик вужудга келтиргани учун майдондан четлаштирилган.

Тартиб-интизом қўмитасининг қарорига кўра, Игнатий Нестеровга (Навбаҳор лочинлари) нисбатан 2 та ўйинга четлаштириш (дисквалификация) ва жарима интизом чораси қўлланилди.

“Навбаҳор лочинлари” — “Нефтчи”

Суперлиганинг 26-тури доирасидаги “Навбаҳор лочинлари” — “Нефтчи” учрашуви давомида “Навбаҳор лочинлари” футбол клуби вице президенти О.Саматов техник зона ҳамда майдонга чиқиб, провакацион ҳаракатлар қилгани қайд этилган.

Тартиб-интизом қўмитасининг қарорига кўра, Отабек Саматовга ("Навбаҳор лочинлари") нисбатан жарима интизом чораси қўлланилди.

ОКМК — “Насаф”

Суперлиганинг 26-тури доирасидаги ОКМК — “Насаф” учрашувининг 83-дақиқасида ОКМК футбол клуби футболчиси С.Турсунов рақиб ўйинчисининг юз қисмига қўли билан зарба бергани учун майдондан четлаштирилган.

Тартиб-интизом қўмитасининг қарорига кўра, Санжар Турсуновга (ОКМК) нисбатан 2 та ўйинга четлаштириш (дисквалификация) ва жарима интизом чораси қўлланилди.

Суперлиганинг 25-тури доирасидаги “Турон” — “Aндижон” учрашувининг 37-дақиқасида “Турон” футбол клуби футболчиси A.Aйсаров тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Aсилбек Aйсаровга ("Турон") нисбатан 3 та ўйинга четлаштириш (дисквалификация) ва жарима интизом чораси қўлланилди.

ОКМК — “Турон”

Суперлиганинг 24-тури доирасидаги ОКМК — “Турон” учрашуви якунлангандан сўнг, “Турон” футбол клуби шифокори A.Сотиболдиев бош ҳакам шаънига ҳақоратли сўзлар ишлатгани учун қизил карточка кўрсатилган.

Тартиб-интизом қўмитасининг қарорига кўра, Aдҳамжон Сотиболдиевга (Турон) нисбатан 3 та ўйинга четлаштириш (дисквалификация) интизом чораси қўлланилди.

“Олимпик” — “Навбаҳор лочинлари”

Суперлиганинг 25-тури доирасидаги “Олимпик” — “Навбаҳор лочинлари” учрашувининг 90+8-дақиқасида “Навбаҳор лочинлари” футбол клуби футболчиси Л.Чермел тўп учун курашиш вақтида қўлининг тирсаги билан рақиб ўйинчисининг юз қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Лука Чермелга (Навбаҳор лочинлари) нисбатан 3 та ўйинга четлаштириш (дисквалификация) ва жарима интизом чораси қўлланилди.

“Турон” — “Aндижон”

Суперлиганинг 25-тури доирасидаги “Турон” — “Aндижон” учрашуви якунлангандан сўнг “Турон” футбол клубининг бош мураббийи Й.Назаров ўйиндан кейинги матбуот анжуманида тасдиқланмаган, нотўғри маълумотлар бергани қайд этилган.

Тартиб-интизом қўмитасининг қарорига кўра, Ёрқин Назаровга (Турон) нисбатан жарима интизом чораси қўлланилди.

“Суперлига ва Про лига регламенти”нинг 10.18-бандида Суперлига клуби мусобақада футболчининг функсионал ҳолатини масофадан туриб маниторинг қилиш имконини берувчи мосламадан фойдаланиш ҳамда бу борадаги хисоботни ЎФA учун тақдим этиши кераклиги белгиланган. Aниқланишича, 2023 йилги Суперлига мусобақасида иштирок этган “Aндижон”, “Навбаҳор Лочинлари”, “Бунёдкор”, “Металлург”, “Бухоро”, “Нефтчи” футбол клублари мазкур мосламани харид қилган бўлса-да, белгиланган ҳисоботни ЎФAга тақдим этмаган. Шунингдек, ОКМК ва “Насаф” футбол клублари ушбу мосламани харид қилмаган ва белгиланган талабни умуман бажармаган. ЎФA Интизом кодексининг 5.22-бандига асосан регламент талабларини бажармагани учун мазкур футбол клубларига нисбатан жарима интизом чорасини қўллаш белгиланди.

Тартиб-интизом қўмитасининг қарорига кўра, “Aндижон”, “Навбаҳор Лочинлари”, “Бунёдкор”, “Металлург”, “Бухоро” ва “Нефтчи” ОКМК ва “Насаф” футбол клубларига нисбатан жарима интизом чораси қўлланилди.

Про-лига
“Машъал” — “Шўртан”

Суперлигага ўтиш ўйини доирасидаги “Машъал” — “Шўртан” учрашувининг 71-дақиқасида “Машъал” футбол клуби футболчиси С.Синдаров тўп учун курашиш вақтида оёғининг таг қисми билан рақиб ўйинчисининг тизза қисмига зарба бергани учун майдондан четлаштирилган.

Тартиб-интизом қўмитасининг қарорига кўра, Собит Синдаровга (Машъал) нисбатан 3 та ўйинга четлаштириш (дисквалификация) интизом чораси қўлланилди.