"Навбаҳор" янги мавсумга тайёргарликни бошлади. Асосий йиғин қачон?

Бугун "Навбаҳор" янги мавсумга тайёргарлик доирасидаги ўқув-машғулот йиғинининг биринчи қисмини бошлади. Мазкур йиғин 10 кун  давом этади.

Машғулотда асосан, жамоада кўрикдан ўтаётган маҳаллий ўйинчилар иштирок этишди ва уни Сергей Лушчан бошчилигидаги мураббийлар штаби вакиллари олиб боришди. Ушбу кўрик давомида ўзини ижобий томондан намойиш этган футболчилар билан мураббийлар штаби хулосасига кўра, шартнома имзоланиши мумкин. 

"Лочинлар"нинг асосий йиғини 2025 йил 5 январда бошланади. Унда жамоа билан шартномага эга бўлган ва етакчи футболчилар иштирок этишади.